Husforsikring

Utleigeforsikring

Viss du leiger ut huset ditt eller delar av det, må du melde frå til oss om at du har utleige. Då vil du få ei utleigeforsikring som tilleggsdekning, som gir deg ekstra tryggleik.

Leiger du ut ein bustad som er ein del av eit sameige eller burettslag, må du sjekke med styret for reglane om utleige og forsikring.

Dame sit i sofa med pc og administrerer eit leigeforhold

Kva dekker utleigeforsikring?

Skadeverk og tjuveri utført av leigetakar med inntil 500.000 kroner
Husleigeforsikring: Ubetalt husleige i inntil 6 månadar
Omkostningar til utkasting inntil 20.000 kroner

Forsikringa krev at du har ein skriftleg husleigekontrakt med leigetakaren, samt tre månadar husleige som depositum. Eigenandelen på forsikringa utgjer tre månadar husleige.

Sjekke pris på hus- med utleigeforsikring

Har du allereie husforsikring?
Kontakt oss for å legge til utleigeforsikring på eksisterande forsikring.

Innbuforsikring ved leige

Ein leigetakar blir ikkje rekna som eit fast medlem av ein husstand og er ikkje dekt av utleigar si innbuforsikring. Utleigar og leigetakar må derfor ha kvar si innbuforsikring for å vere dekt.

Les meir om innbuforsikring ved leige

Skadar ved utleige

Forsikringa dekker skadeverk, der leigetakar eller deira gjestar påfører større skadar på bustaden og eigedelane dine, med viten og vilje.

Røff bruk, slitasje, hakk, riper, flekkar eller kjæledyrskadar i bustaden er ikkje dekt av utleigeforsikringa. Typiske skadar som dette kan til dømes vere viss:

det har blitt vaska med for mykje vatn på parketten eller benkeplata og denne svulmar opp
det blir kondensskadar på grunn av vatnsøl eller lukka lufteluker
katten har klora opp sofaen

Slike typar skadar vil i mange tilfelle bli dekt av depositumet.

Må eg ha utleigeforsikring?

Dersom du planlegg å leige ut heile eller delar av bustaden din, er det viktig at du melder ifrå til oss om dette.

Bustadar som blir leigd ut har høgare risiko for skade, sidan fleire menneske bruker bustaden. Prisen på forsikringa er derfor høgare når du leiger ut. Viss du ikkje gir beskjed om utleige, kan du ende opp med å betale for lite for forsikringa, noko som kan føre til avkorting på erstatninga.

Når du melder i frå får du i tillegg ein utvida utleigeforsikring som gir deg ekstra tryggleik når du leiger ut.

Meld ifrå om utleige